قصيدة مهداة من شاعر شاب لأبو غزاله ….. طلال العزم

قصيـدة الشاعـر الشاب حسـن علـي خــازم

ألقيت خلال رعاية حفل تخريج ثانوية السفير

يـــــوم الأربعــــــاء ٢٧ تمــــــــوز ٢٠٢٢

 

مهــــداة الــى فـارس التحــدي والإبـــداع

سعـادة الدكتـور طـلال أبـوغــــزاله

 

 

 

لمّا جفون الصّبح حنّت للنّدى

بيدَوْزِن العصفور أنغام الكمالْ

 

ولمّا شَرار العزم ما يساعو فضا

بيتجَوْهر وبيبيت بقلوب الرّجال

 

ولو ثبّت التّاريخ تيجان المدى

ع جبين يافا بحيثها أمّ الجمال

 

ع شطوطها بترسي مراكب للهدى

والموج عن قبطانها بيطرح سؤال

 

من قصورها بتضحك ملايكة الصدى

وبصوت واحد كلّها بتصرخ: طلال !

***

طلال لْعَلَّم نجوم السّكينة

وحكالا بعد ما ملّس عَ خدّا:

 

“اقعدي يا نجوم حدّي واسمعيني

أنا الإنسان لِ همومو تحدّى

 

أنا الرّيح وأنا شراع السّفينة

أنا اللي جيت هدّي لْما تهدّا

 

أنا السّبع وحِمى الكلمة عريني

شعوري شِعر صوب الكون ودّا

 

كمشت الدّهر من عنقو بيميني

تا إيد العون للإنسان مِدّا

 

سيفي نور شعشع من جبيني

إلي بيخضع لِ عالدّنيا تعَدّا

 

بيوت الشّعر ببنيها بحنيني

وقصور اليأس ببيوتي بهدّا”